Buod at Sentesis

BUOD AT SENTESIS

Buod- Ito ay pinaikling bersiyon ng isang akda at hindi nangangailangan ng marami at iba’t ibang batis, karagdagang ideya, opinyon at tesis .

Sentesis- Malaman at pinaikling bersiyon ng iba’t ibang batis ng kaalaman at impormasyon. Ang Sentesis ay hindi lamang paglalagom ng mahahalagang ideya bagkus ito ay nagbibigay din ng pagtatasa ng isang ideya na sinulat ng dalawang magkaibang may-akda.

Bakit ito Mahalaga:

·         Upang higit na maunawaan ang kahulugan ng binasa o pinakinggang panayam o sulatin.

·         Upang mas higit na organisado

·         Isang teknik upang mas mapadali ang pagrebyu.

Gaano Kahaba:

·         Hindi maaring mas mahaba ang isusulat na buod kaysa sa material na pinagkunan nito.

Hakbang sa Pagsulat:

1.    Basahin ang buong seleksiyon o akda at unawaing mabuti hanggang makuha ang buong kaisipan o paksa ng diwa nito.

2.    Habang nagbabasa, magtala at kung maari ay magbalangkas

3.    Isulat sa sariling pangungusap at huwag lagyan ng sariling opinion o kuro-kuro ang isinusulat.

4.    Ihanay ang ideya ayon sa orihinal.

5.    Basahin ang unang ginawa,suriin, at kung mapaikli pa ito nang hindi mababawasan ang kaisipan ay lalong magiging mabisa ang isinulat na Buod.